Hello Guys. Today’s video is a vlog in Cantonese to say good bye to my 24 years old and my Thailand life and I would like to share some feelings of my 20s. I will make some notes and quiz on Edpuzzle. If you would like to level up your listening skill in Cantonese, please click the link below. And If you have or had the same feelings in your 20s, please leave me a comment~~
当你哋睇到呢条片嘅时候，我又老咗一岁喇。
When you look at
因为有啲私人原因，我唔钟意过生日。生日对于我来讲，只不过係一个闹钟，提醒我“咁又一岁喇，你做咗啲咩？”
24岁对于我来讲，好重要好特别。因为我係细个个阵，我自己立志24岁嘅时候，我会结婚。因为我想喺我最后生最靓最独立嘅时候搵到最好嘅对象结婚。
但係当越来越接近24岁嘅时候，我嘅谂法会改变。或者係社会变咗，变到结婚越来越儿戏。或者我变咗，我越来越唔信爱情会发生喺我身上。
旧年嘅生日，我去印度，我去咗Jaipur, 喺嗰个粉红色嘅城市里面，我搵到咗我唔见咗好耐少女心。我去咗agra，我喺泰姬陵对面睇住夕阳底下嘅爱情结晶，我搵到咗对爱情嘅信仰。我去咗New delhi li，有过最唔愉快嘅遭遇，我明白到无论去到边都要警惕陌生人。我都坐过印度嘅火车，睇到好多唔同嘅家庭，有好多相似嘅经历，明白到自己其实已经好幸福。
我仲翻咗去新疆，去翻我毕业之后支教嘅地方。已经两年喇，当年教过嘅学生都要毕业啦，曾经好熟悉嘅同事，结婚嘅结婚，生bb嘅生BB，读研嘅读研。每个人都move on喇。原来你嘅念旧只不过喺原地踏步。
22岁嗰年，我返到广州做嘢，我觉得好迷茫，人人都话喺广州好好，但係我唔想咁快就过住啲睇得到将来嘅生活，我仲想出去睇下呀。之后，我就辞咗职。冇人脉，冇积蓄，来咗泰国，跌跌撞撞咁搵到而家嘅工。我曾经以为只要有社会经验，个种对生活嘅迷茫感就会消失。
而今日我25岁喇，25岁喇， 我啲旧同学好多都结婚啦，生Bb啦，或者好多都事业有成啦，而我仲有三个星期就失业喇。我要搬返顺德，住返喺我阿爸阿妈屋企，返翻嗰个8年前一心要离开嘅屋企。25岁嘅我真係咩都无。
咁我以后有咩打算呀？
我唔知呀，我唔知我听日会喺边，我净係知我唔想又继续搵学校，再过住一啲超级稳定嘅生活。我净係知我想做我想做嘅嘢。我想继续学日文，我想继续学剪片，我想继续学古筝，我想以我自己嘅方式去教语言，去令更多人钟意中华文化。我仲想出去见识下，或者继续读书。我又想多啲陪屋企人。
总结来讲，25岁嘅我，仲係好怕，仲係好迷茫，呢啲感觉係唔会走架。25岁嘅我或者会羡慕22岁嘅我个阵好后生，但係又觉得曾经嘅我好幼稚。Anyway,我好庆幸喺泰国度过我迷茫嘅两年，喺我最落寞嘅时候，遇到咗好多善意嘅人，冇曾经嘅佢哋，亦都唔会有想做freelancer 嘅我。Hmmm 今日都唔知听日事。但係我好希望我听日仲有你哋陪伴。我会继续为你哋出多啲片！希望20几岁对我哋好啲喇。好希望睇紧片嘅你哋都会战胜呢种迷茫感。加油~
